السلام عليكم
اليوم جيت انا اكلمكم عن لعبة انا اعتبر نفسي الى الان مبتدئ فيها
كمال الاجسام عشان تبداء تشوف الفرق فيها لازم اقل شي تلعب 3 شهور متواصلة
لكن اذا واحد بطل رح يرجع جسمو زي ما كان
عشان الواحد يستفيد منها اقل شي يستمر سنة او سنة ونص
طبعا يستمر وهو ياخد بروتين واحماض امينية وهذا شي ضروري لانها مكملات غذائية
واللي قولك دي تخليك ما تجيب عيال وتخرب الجسم ومن الكلام دا لا تسمعو كلامو كلو كدب في كدب
اللي تسبب هذي المضار هيا الاستروديات اللي عن طريق الابر
يعني كورسات منشطات الديكا والانابول وهرمونات الجي اتش والتستورون
وحاليا كتير بياخدوها لانو في اشياء ممكن الواحد ياخدها بعد المنشطات وتزيل اثرها من الجسم
طبعا على المبتدئين انهم ما يفكرو ابدا في دا الشي لانو مرا بدري علية واذا واحد يبغا فايدة من اللعبة اول شي لازم يبني اساس عضلي حلو الين ما يحس انو صار يتمرن ومافي اي فايدة بعدها يقدر ياخد هادي الاشياء
طبعا بعضهم يقولك لا ابغا جسمي بدون اي حاجة ودا اقولو روح يا شاطر اتمرن ودا وجهي لو طلعلك جسم
لانو العضلة لها حجم طبيعي وسبحان الله بعد ما توصل لهذا الجم خلاص ما تطلع اكتر من كدا فلازم انة يكون في اشياء خارجية عشان تكبر العضلة
في ناس يقولو ابغا جسمي كدا بس يسير مقسم
الجسم دحين اي شخص يكون فية نسبة الربع او اقل تقريبا دهون
لو واحد يبغا ينزل هذي الدهون عشان يتقسم جسمة ويسير جسمة حلو زي المودلز او مثلا زي فيفتي سنت او حتى اقل
لازم يكبر حجم العضلة بعدين ينشف الدهون
لو نشف الدهون بنفس جسمة الحالي رايح يصير جلد على عضم لان عضلاتة لسا صفيرة واذا ذابت الدهون حيسير شكلو زي الوزغة او زي رابح صقر
هذي المعلومات اللي عندي لكم اليوم طبعا انا ماني كابتن ولا شي لكن ليا فترة مستمر والحمد لله صار جسمي احلى من اول بكتير
طبعا كلو عشان اطلع السوق واشبك مع البنات والحمد لله الخطة ناجحة الى الان
لأي سؤال او استفسار لتصغير منطقة في الجسم او تكبير عضلة في الجسم او وجود الم او اصابة بس اسألوني وانشالله رح اجاوبكم اذا عرفت واذا ما عرفت حسأل الكابتن واقولكم
شكرا
